همشي لبكرة (400)
.................
وطويت صفحه قديمة
شك وقسوة وحيرة
عشت في كدبه
مسلمه روحي
وكانت كدبه كبيرة
دوقت هناه وعذابه
ودموع شاكيه ألامه
غصبا عني قلبي سجني
أجني في شوك أوهامه
فجأة الحلم إتغير
لحن غرام وقصير
لا بيطربني ولا بيشجيني تاه
إحساسي إتحير
ليل الصمت وعيشته
تابلوه فاقد ريشته
ثوب حرمانه أثر فيا
عرى فى شوقي وقيسته
هد أمانا وضاع من أيدي
بقى إدمانه غريزته
لعبت بيه الدنيا
ضل طريقه عاجز تايه
سابني في خوفي بقاسي ..
مش ده اللي أنا حبيته
غصبا عني بأشواق باردة هقفل بابي نسيته
همشي لبكره
لا أبص ورايا
ويا ريتني ما حبيته
بقلم .. صبري رسلان
ليست هناك تعليقات:
إرسال تعليق