((كفاك غفلة))
ومين فينا
عايش مخدوع
ومين فينا
عايش سكران
ومين فينا
لهوا التاني
بيكون غفلان
أيام العمر بتعدي وحصاد فى حطام
مأسي علينا تتزاحم
وتجشينا أوجاع وألأم
وما زلنا فى حب الوهم نتزاحم
عايشين فى ضلال
فى كل أحوالنا
بنخبط
ومش فارق
حلال وحرام
ورغم وضوح حقايقها
بيعجبنا
دوس الأقدام
بنحب فيها
ونتشعبط
وعايشين ليها
كيف الخدام
وحتى النوم
مفيش راحة
تيران دايره
يمين وشمال
بتاخد أعز مالينا
ونحفر قبره بأيدينا
وموت الفاجئة تكوينا
وبالجملة حصاد أرواح
وبتحاسب على الأفراح
حساب غالي بفاتورة تمنها جراح
وما زلنا لها عاشقين
وحتى الدين نساناه
وأخرتنا لها بايعين
تعالى أقعد ونتحاسب
عشانها كام بعت م الأرحام
جمعت المال
حلال وحرام
نسيت دستورنا والقرآن
وحتى الأخرة
شكيت فيها
طول عمرك
عايش ليها
وعشت كتير
فيها ارقام
جنيت منهاصفار فى شمال
أخرج من كهفك وحياتك
لحد أمتى عايش غفلان
وقولي مين فينا مرة
شاف كفن بجيوب مليان
أيام العمر فينا بتعد ودموعها بتكوي الخد
وتعيشها ف عناء وكد
وفى الأخر تقيم الحد
وتبقا أنت الوحيد خسران
كفاك غفلة كفاك أوهام
نبيل عبد الحليم
٣/١/٢٠٢٢
ليست هناك تعليقات:
إرسال تعليق