نور الامل / جمعه الجر

 ....نور الأمل....

فتحت عينى على ضى شمس مشقشقه...

لقيت عصفور الصباح..

عامل صياح بصوت الذقذقه...

بيقوللى فوق من غفلتك..

وأعرف مدارك سكتك..

راح تلقى فى جبين السما..

كلمة أمل قوم للعمل..

تلقى الايادى كلها من قبل إيدك مسبقه...

إياك تكل من التعب..

ولا مره تلجأ للغضب..

انسى التعب تلقى العجب..

تنسى المشاكل كلها أو نصها..

لو المشاكل هتكون جبل..

اوعاك م الحمل تهرب م اللى اتكتب..

خليك جمل اد المشاكل..

وانسى زمان اللقلقه...

فتحت احضانى لنهارى..

نسيت مرارى وشكوتى..

نسيت عذابى ف الليالى..

طويت بأيدى صفحتى..

مسكت القلم هرب الألم..

وصفحه بيضه بداتها..

وهى كلمه كتبتها..

كانت آسف أيوا الأسف..

على عمر ضاع وانا..

بستنى الصدف تحقق امانى معلقه...

نادت على فرحتى..

قوم قابل الطبيعه بضحكتك..

سيب خطوتك تبدر على ارض المحبه غنوتك..

تغربك تقربك أو تبعدك..

وشوف ناسنا الطيبه..

العرقنين الشقينين اللى العرق..

نور منور وشهم شوف شكلهم..

تلقى فى عيونهم..

جايه الليالى مذوقه...

خرجت ونور الأمل..

راسم قدر زارع شجر..

فى أرض قلبى العطشانه..

لنقطة مطر تصحى الوتر..

يلاغى القمر يبعتلى نوره يضمنى يهزنى..

يشدنى اكتب مليون قصيده لأرضنا لشمسنا..

اغزل حروفى توب وألبسه..

تخرج مشاعرى متشوقه...

تندهك تسألك..

يا أم البلاد ياطيبه ياحنينه..

اوعاكى يوم تزعلى منى أنا..

لو تهت مره أنتى الهدى..

أنتى جمال عمر ابتدى..

أنتى المدى أنتى الرضا..

حقك عليا غلطان أنا..

ماانتى المنى ادينى فرصه للندا..

صدقينى بعشقك..

عديت بعشقك فوق حدود المعشقه...

ياأم التاريخ شايل كفاحك من زمن..

وقت المحن ضد الخطر..

ولا عمر قلبك كان حجر..

دايما مدا ايدك بخيرك لغيرك..

حتى نيلك يروى البشر..

غلطان أنا وبعترف بغلطتى..

مش راح تملكنى تانى محنتى..

ماخلاص عرفت سكتى..

بالأمل تحيا القلوب متوفقه...

       جمعه الجر