عين الرحمة/ بقلم مجدوب الرمى

عين الرحمة.....

شوف فيا
 بعين الرحمة
 عافاك
 رحمني و داوي
 لي هاد لجراح

ياك كنتي تقول
 آنا فراشك
 و غطاك
ما نخليك لا في
 فراح و لا قراح

بغيتك تقول لي
 عليا آش دهاك
كيف جرى حتا
غبرتي
و نسيتي
 كل لي راح

علاش غبتي
 مشيتي
 و تبعتي هواك
غابت شمسك
 ما بقاش
 ليها الرواح

قول لي آش
 من واد
 يا خيي داك
خليتيني
 وحداني
 عليا
 الوقت قساح

ذاب الفرح
 و السعد
مشى
 غاب معاك
وليت
 عايش حزين
 كي لمسا
 كي الصباح

نترجاك
 تعود ليا
 و للقلب
 لي بغاك
ياك بلا
 بيك عليا
غاب الضحك
 و مشات لفراح 

بغيتك تشوف
 من حالي
 كا نترجاك
يا العزيز
 الغالي
ترحمني
 و تداوي لي
 هاد لجراح....

بقلمي مجدوب الرمى

Le 05/04/2020