صوتك واحشنى
***************
وحشتينى
ومهما أوصف شوقى وحنينى
كلامى عنك مايكفينى
وحشتينى وصورتك لسه فى عيونى
وأحتاج شوق على شوقى
عشان شوقى مايكفيكى
أحبك بيه ونبض قلبى كفيل يحكيه
وإسمك ف كل دقه ألآقيه
مع كل دقه بشوق أناديه
والدم اللى بيجرى فى عروقى
حاسس بيه شايل شوقى
لقلبى وروحى ف عروقى
ملامحك مرسومه جوايا
وأشتاقلك أدام عينى ومعايا
وإيديكى لسه فى إيديا
ولو غيبتى عنى كام لحظه
أشتاقلك بأشواقى الجارفه
وإنتى حاسه وأكيد عارفه
اشواقى الجارفه من حبك
بتواحشينى وانا شايفك
واشتاق لملامحك وصورتك
بيوحشنى أسلوب كلامك
واللحظات اللى فيها سكاتك
وأنفاسك واسلوب تنهيداتك
وبيوحشنى فيكى صوتك
والنبره اللى موجوده ف كلامك
وقت الرضا ووقت عنادك
ورغم إنى فاكرك وحافظك
واعرف دقاتك فى قلبك
بتوحشينى واشتاقلك
م/محمد بدوى أبوالعلا
ليست هناك تعليقات:
إرسال تعليق