قصيدة عن بر الوالدين
وامي التي توفيت
صحيت الصبح من بدري
لقيت القلب يا امي بيتكلم وبيد ردش
لقيت افكار بتشغلني انا لوحدي..... وميت حاجه ما تنعدش
اتاري القلب بيدندن بكلمه ام يا امي....... مع اولادي
وقلت معه وزال همي.... يا قلب كبير بيحضن في ويدادي يا احلى وش في الدنيا ما يتغشش
نلاقي فين حنان بعدك.... ما فيش تفكير في يوم جا لي
يا ام السعد يوم الوعد اول حب جوه القلب بينادي
ما شفتش حد من قبلك شغل بالي
ويوم سعد ك.... دا ميلادي
يا وش الخير وحب كبير ولسة برضه راح يكبر مع اولادي
ما حدش يوم قدر يوصل هناك عندك
يا نجمة في السماء العالي
و جوة قلوبنا بتلالي
ولو كل الحصون تنهد في الصحرا وف الوادي
حصونك دي ماتنهدش
يا امي يا اغلى شيء عندي
وحشتيني واشواقي بتكبر كل يوم وتزيد ولا تهدي باشوفك في المنام على طول مندية
ملاك طاهر يرفرف فوق سحابة شوق. معدية
واقولك ٱحلى اغنية
تعالي ف حضني و استني
هاقولك. 100 قصيدة حب ونغني
هاقولك وانت لا تجاوبي. ولا تردي
ده حبك ٱحلى حدوتة وزغوطة مدوية
تخلي الروح تروح وتقول انا جاية
تقوللي وهي بتوشوش
معاي غنوة وهدية
وحب كبير على عينية
بيدخل جوة نن القلب بيبارك وبيعشش
يا ٱمي يا ٱغلى من دمي
فداك الروح وروح خالي. وروح عمي
سلامتك لو تقولى الآه
تلاقي الكل قدامك ما بينمش
وكل كلامنا إيه هيكون
وربي كرمك في الكون
وخلا الجنة ويا الحور وكل الخلق خدامك
ومين ينسى نصيحة من رسول الله
ثلاث مرات يقول امك ٱمك ٱمك ما تنهنشى
وجنة تحت ٱقدامك
يا ريت نقدر نعيش نحضن تراب نعلك
نشيلك فوق على راسنا
ولو داسنا. ولو حنموت وندهلك
نقوم ثاني ونبني بيوت
عشان الحب يكبر فيها ويعللي. مايهد مشى
سمعتوا يا ناس كلام ٱمي
بيدخل جوة نن القلب ويسيطر مايرحمشى
وترجع امي من ثاني
تلم الكل وتلملم
تاخذني في حضنها الدافي
وعمري في يوم ما هنساها وتنساني
و ترقيني وريقها الحلو كان شافي
وراح يحصل
وييجي ٱوان
قولولي ليه ما يحصلشى
صباح كل الكلام يوصل
وبيعلم
وصوت ٱمي
ما يوصلشي
الشاعر // سعيد حسان مصر (بر الوالدين)
ليست هناك تعليقات:
إرسال تعليق