تشرد/بقلم احمد ابراهيم ريشة

تشرد..
شوف الطفولة مشردي/ة
بتياب بالية
أكلها الصدي
وأقدام حافية
بالتراب معمدي/ة
شوف الفرح مرعوب
وما عاد يعرف
عاوجه البراءة
يهتدي
شوف البطون الفارغة
وأفواه تحلم يومها
بكسرة خبز
لو تبتدي
شو بينفع اﻹيمان
اللي حاملو اﻹنسان
شو نفع الصلا والصوم
واﻷديان
مادام في طفل مشرد
خايف وجوعان
لا أهل عندو
لا فراش
لا مخدة موسدي/ة
حاجي بقى ياحروب مصنوعة
سرقتي الفرح
والناس موجوعة
خلي الطفولة تكبر وتوعى
معرفة مع حب
تنهل
وترتدي
خلي البراءة
بحضن الحنان
بأمن وآمان
تغفى
ويغمرها الندي
----؛----
أحمدابراهيم ريشة/نلتقي لنرتقي