الله أكبر الله أكبر
..............
الله اكبر الله اكبر
الله اكبر الله اكبر
من قلوبنا أحنا قلناها
رجينا الأرض وهزينا سماها
ربنا قوانا بيها وعدينا
قالتها الدنيا معانا وسمعناها
من شوقنا ولهفتنا لأرضنا
اللى كانت غايبه عننا
صبحنا نار تحرق عدونا
اللى كان عليها بيتكبر
الله أكبر الله أكبر
انا كنت هناك وقلتها
من قلوبنا طلعت وحدها
مكناش يومها أحنا بنغنيها
كنا بنستغيث بيها وقتها
بقوة نزلنا عليهم ضرب
وملينا جوه قلوبهم رعب
واحنا فى عز الحرب
قلناها بحب واحنا بنكبر
الله أكبر الله اكبر
كانت من قلوبنا صرخه
قلناها بقلوب مليانه فرحه
بلدنا عروسه بدمنا بنحنيها
ونغزل ليها م الشمس طرحه
ريات النصر أعلام وزينه
لحبيبتى مصر بكل مدينة
ملهاش حصر بتدعى لينا
قلوب بتهتف بيها وتكبر
الله أكبر الله أكبر ا
.....
بقلم.الشاعر
الأمير _محمود
ليست هناك تعليقات:
إرسال تعليق