(رحيل ظالم)
لما أنت ناوي ع الرحيل كنت قولي
كنت طفيت شمعتي وقطعت فلي
إنتظارك شفت فيه كل ذلى
كنت ألامل وكان معايا زى ظلى
خاب ألأمل وخاب معاه كل ظنى
ظنى فيك كان حياه
كنت فاكره إنك نصيرى وطوق نجاه
ما كنت حاسبه إن مصيرى ألف اه
ايه ألف اه وتكفى ايه مليون اه
تكفى غدر
تكفى هجر
تكفى لعب بالمشاعر
جرح واعر
سيبتهولى وفين دواه
-----_
لما أنت ناوى ع الرحيل كنت صارح
غدرك كبير غدر جارح
للقسى والحزن طارح
وطرحه فالح عمنا وعم المطارح
أمل وخاب وفى الخيانه الفكر سارح
______
لما أنت ناوى ع الرحيل
ليه تدوس أرضنا
ترويها شوق وتزرع فيها حلمنا
سكنت القلوب وفى الوريد مع دمنا
زرعك دمار خيبت ليه ظننا
ووقت الحصاد محصولنا كان ظلمنا
طفيت شموع
سالت دموع
ونار قايده ف قلبنا
غابت نجومنا وغاب قمرنا وشمسنا
هو أنا اللى حظى مال
ولا دا حال المحبين قبلنا
حرام عليك سهرتنا وتعبتنا
وفوق دا كله خنتنا
وكان أملنا يوم لقاك
نتمم بيه فرحنا
لكن أقولك
يمكن دا خير وكتبه لينا ربنا
بقلمى نبيل عبد الحليم
٢٣/١٠/٢٠٢٠
ليست هناك تعليقات:
إرسال تعليق