شايف دمعتي؟؟؟ (باللهجة المصرية)
ياما جرّحت قلبي و سِبت الدمع سايل
ياما خيّبت ظني و سوّدت كل العمايل
يمكن هواك ذنبي و انا اللي كنت بحاول أقرّبك مني
كنت باعتقد أنك حقيقي بتحبني
كنت فاكرة حتمسك إيدي و تحضني
حتسكنني جوا قلبك بالحنية تغمرني
لكن خسارة !!!
خيبت ظني فيك و طلعت غلطانة
طلعت مش فاهمة في الحب غير الدموع
عيوني ديما تمطّر و حبل الوصال مقطوع
لا بفرح زي الناس ليلة العيد
و لا البُكا ساعة الحزن مسموع
مخنوقة منك و ما عادش ليك فقلبي مكانة
إزّاي بتتلاعب بالعواطف وتخون الأمانة؟
دانا حبيتك أربع سنين و اليوم بترد الجمايل
أتاريك بتتحايل على وحدة غيري و الورد شايل
لأ يا سيدي!
مش حرضى بقسوتك
مش حطاوع نزوتك
مش حغلط زي ما هي غلطانة
بتستصغرني لأني وحدة سِت
و نسيتِ بأني إنسانة
ياما خذت ع الوجع و سنيني بتعدي
ياما اشتقت للدّلع و بكيت انا لوحدي
و جاي دي الوقت بتقول لي خلاص... حتروّح
روّح... و إوع ترجع ثاني
إوع تترجّاني من بعد ما تسيبك
م هو قلبي اللي كان يهواك
فهم كذبك و ألاعيبك
خلاص روح...
و لو شايف دمعتي؟
إوع تفتكر اني ببكي عشانك
و لا عشان عمري اللي فات
ما انا ما بقيتشي محتاجة لحنانك
و احساس قلبي اتجاهك مات
و الدمعة حتفهمها لما قلبك يخيب
ليست هناك تعليقات:
إرسال تعليق